بایډن پر روسیې تازه بندیزونه اعلان کړل
۱۴۰۲ اسفند ۴, جمعه
ولسمشر جوبایډن په یوې خبرپاڼې کې وویل:«امریکا متحده ایالات به له روسیې سره د مرستې له امله پر نیږدې سلو شرکتونو نوي صادراتي بندیزونه ولګوي او د روسیې د انرژۍ کمولو له پاره به نور اقدامات هم وکړي.»
رویټرز خبري آژانس لیکلي دي، چې دا تازه اقدامات د جګړې په اړه د روسیې د ځواب ویلو او د اپوزیسیون د مشر الکسي ناوالني د مړینې په دوام ترسره کېږي. بایډن ویلي دي، په داسې حال کې چې اوکراين د مهماتو له سخت کمښت سره مخ دی د امریکا مرستې په میاشتو میاشتو د کانګرس له لوري ځنډول کېږي.
بایډن د بنديزونو په اړه وویل:«هغوی به ډاډه شي، چې پوتین به تر هيواد دباندي يرغل او په هيواد دننه کې سرکوبولو له امله درنه بيه پرې کړي.»
بایډن ویلي، چې د جمعې ورځې تازه اقداماتو کې د ناوالني له زنداني کېدو سره تړاو لرونکي کسان، مالي سکټور، د روسیې صنعتي دفاعي هډه، تدارکاتي شبکې او هغه کسان، چې په بېلابېلو براعظمونو کې له بندیزونو پټ شوي، په نښه کېږي.
د بندیزونو دا تازه موارد د هغو هدفونو وروستي هغه دي، چې د امریکا متحده ایالاتو او متحدینو له لوري يې د ۲۰۲۲م کال د فبروري مياشتي پر ۲۴مه د روسیې له لوري پر اوکراین له یرغل وروسته اعلان شوي دي. په دغه يرغل کې د لسګونه زره کسانو د وژل کېدو تر څنګ ډېر ښارونه ویجاړ شوي دي.
بایډن وویل:«له دوو کلونو راهيسي دغه جنګ کې د اوکراین خلک په زړورتیا سره خپلې مبارزې ته دوام ورکوي؛ خو مهمات یې پر ختمېدو دي. اوکراین د روسیې د بې رحمانه بریدونو) چې د شمالي کوریا او ایران په وسلو او مهماتو کيږي( د مقابلې له پاره د امریکا تجهیزاتو ته اړتیا لري.»
رویټرز، ا.د