امریکا پر روسیې تور لګولی چې د لیبیا له پاره جعلي پيسې چاپوي

د امریکا متحده ایالاتو د بهرنیو چارو وزارت د جمعې په ماښام (د می میاشتې ۲۹ نیټه) ویلي چې دغه بانک نوټونه د ګوسناک په نوم د روسیې په دولتي شرکت کې چاپ شوي دي. د نوموړي وزارت په حواله د یوې «موازي او نامشروع مرجع» له خوا د دې پيسو د چاپولو فرمایش ورکړی شوی دی.

روسیه د لیبیا د پاڅون کونکو مشر جنرال خلیفه حفتر له ملاتړ کونکو څخه شمیرل کیږي. حفتر غواړي چې په طرابلس کې د لیبیا حکومت چې په نړیواله کچه په رسمیت پيژندل شوی دی را نسکور کړي. متحده عربي امارات، فرانسه او مصر هم له جنرال حفتر څخه ملاتړ کوي.

د امریکا متحده ایالاتو د بهرنیو چارو وزارت ټینګار کوي چې په طرابلس کې د لیبیا مرکزي بانک د دغه هیواد یواځنې قانوني بانک دی.

امریکا متحده ایالاتو څو ورځې مخکې هم پر روسیې تور لګولی وو چې خپل جنګي الوتکې یې د جنرال خلیفه حفتر د ملاتړ له پاره لیبیا ته استولي دي.

dpa) sn-aa)

پر ورته موضوع زمونږ له آرشیف څخه انځوریز رپوټ: