افغانستان او اروپايي ټولني د ۲۰۰ ميليونه يورو تړون لاسلیک کړ
۱۳۹۵ مهر ۱۳, سهشنبه
اعلان
د بروکسل کنفرانس په لومړۍ ورځ د افغانستان د مالي وزير اکليل حکيمي او د اروپايي ټولني د پراختيايي ادارې مسئول نوين ميميکا د ولسمشر محمد اشرف غني په مخکي دغه تړون لاسلیک کړ.
د دغه تړون له مخي اروپايي ټولنه د افغانستان د بوديجې د ملاتړ په موخه دوه کاله د افغانستان له بوديجې سره هر کال ۲۰۰ ميليونه ډالره مرسته کوي.
افغان حکومت به دغه پيسې د «ملي پخلايني او افغانستان د پراختیا» پروسو په برخه کي مصرفوي.
د اروپايي ټولني د نړيوالو اړیکو مسئول د دغه تړون د لاسلیک پرمهال وويل: «دا د افغانستان او اروپايي ټولني ترمنځ د اړيکو د پراخېدو په برخه کي ښه ګام دی.»
د افغانستان د ماليې وزير اکليل حکيمي وويل چي له دغو مرستو څخه به په هغو برنامو کي ګټه واخلو چي د افغانانو د ژوندانه په وضعيت کي ښه والی راسي.