Меркел во дружба со папагали

Цели јата австралиски папагали Лори со светли бои ја облетуваа Ангела Меркел и јадеа од нејзината рака во птичјиот парк Марлов кој се наоѓа во нејзиниот доскорешен изборен округ.  Меркел, велат, единствено  била претпазлива за возрасниот европски був. Бувот тогаш го држел кандидатот за пратеник во Бундестагот на нејзината Христијанско-демократска партија за Бундестагот, Георг Гинтер (33).  Тој сака да биде наследник на Меркел во нејзиниот изборен округ по парламентарните избори во Германија кои ќе се одржат во недела на 26 септември. По 16 години на канцеларската функција Меркел одлучи да замине во пензија и да не се кандидира за пратеничко место во Бундестагот.