Проблеми во рајот
23 септември 2020
Плажата кај Канео немаше ништо, раскажува охриѓанецот Димитар Чекреџи, додавајќи: „Сега направија платформи, кафулиња, сè... Само позади Канео остана природно, нечепнато.“
Тој веќе 30 години организира тури со чамец по Охридското Езеро. Возејќи туристи, ја забележува секоја промена што му се случува на градот и езерото.
„Многу туристи доаѓаа, но во последните години многу нè нагазија туристи и тие, старите туристи, што го знаат Охрид мирен, сега се изненадени. Велат, ако продолжи вака во Охрид, со вакви гужви, луѓето ќе бараат некаде мир. Сами да бидат, а не како овде“, уверен е Чекреџи.
Во Охрид никнаа многу дивоградби, речиси половината - во заштитен појас. Димитар Чекреџи вели:
„Треба да се зачува, ама мора да се гради. Само има нелегални градби и тука е лошото. Инаку, ако се работи легално, ќе биде добро. Ако прават вака, со дивоградби, не може ништо да видиме.“
Како е на албанската страна на езерото, погледнете во видеото: