Пиво за студирање!

Најстариот закон за прехрамбени производи во светот и денеска се слави во Германија. Овдека пивото не е само национален пијалок, туку и наука. Во Фрајзинг –Вајнштефан, 20 километри северно од Минхен, може да се студира, начинот на производство на пивото, студенти од целиот свет преку научни постапки го студираат производството.

„Вкусот е потполн. Типично германско пиво. Горчливоста повеќе се чувствува отколку кај јапонското пиво.“

вели Хироши Јамашита, студент на технолошкиот факултет, отсек производство на пиво. Тој имено прави научна проба за квалитетот на пивото. Хироши Јамашита од Јапонија ги познава германските пива. Неговиот работодавец Асахи – пивара, еден од водечките производители на пиво во Јапонија го испратил во научната станица Вајнштефан во Баварија.

„Ми беше сон да студирам во Вајнштефан. Во Јапонија, за јапонското саќе( оризово вино) има студиски правец на универзитет, но неможе да се студира за пивото. Во Јапонија има големи пивари но нема факултет за тоа.“

Студиите за производство на пиво во Вајнштефан, како дел од техничкиот универзитет во Минхен се единствени во целиот свет. Само уште на техничкиот универзитет во Берлин има слична понуда за студирање. Сепак бидејќи пивото во целиот свет асоцира на Баварија, привлечната сила на минхенскиот факултет за вљубениците во оваа наука е многу поголема. И во странство – на пример во САД - постојано се прават обиди да се воведе слична катедра за студирање. Сепак она што недостасува е традицијата – во целиот свет, кога станува збор за пивото таа се споредува со Германија особено со Баварија. Вернер Бак во Вајнштефан е професор за технологија на пивара:

„Традицијата овде во Вајнштефан игра голема улога. Баварската државна пивара, уште во 1040 година за првпат овдека произведе пиво. Образованието се негува со години. А судентите кои овде се образуваат се застапени навистина во целиот свет.“

Речиси 1000 годишната баварска пивска традиција е ценета и од Бен Бејлии од Тексас. Поради студиите за производство на пиво во Вајнштефан тој најпрвин студираше германистика во САД. Тоа се исплатеше убеден е Бен Бејли:

„ Можев да отидам во секоја пивара во САД и да кажам дека студирав во Вајнштефан. И тие веднаш знаат дека тоа и тоа го знам.. Во САД на Универзитетот Калифорнија Дејвис може да се студира воопшто за технологијата на прехрамбени производи, во чии рамки има некоку предавања поврзани со пивото и неговото производство. Но тоа во никој случај не се студии, а овдека во Вајнштефан се е сконцентрирано на пивото.“

Кадедрата во Вајнштефан станува се попопуларна. Од вкупно 250 студенти, повеќе од 100 се запишаа на студии последниов семестар. Студирањето е тешко многумина се откажуваат. Околу 15 проценти се странски студенти, кои се особено мотивирани. Тие честопати во својата биографија имаат долгогодишни курсеви по германски, како подготовка за баварскиот технолошки факултет поточно катедрата за производство на пиво која се разбира работи стручно и научно.

„Вајнштефан е Мека за пиварите. А ако некој се напил пиво во Германија веќе може да развие и одредена љубов кон тоа.“

Љубов кон германското пиво има и Луцеро Гонзалес Кастро од Колумбија. Како и Феј Киан и таа сака по завршување на студиите да отвори соспвена пивара. Другите студенти по дипломирањето работата во фармацефтската бранша, индустријата за пијалоци или воопшто прехрамбената индустрија. Луцеро Гонзалес Кастро од Колумбија сака да произведе сопствено пиво врз основа на германскиот закон за правилата за чистота на пивото. Таа го претпочита германското пиво, кое веднаш го препознава на тренизите за вкусување, и тоа не само на „Денот на германското пиво“

„Ова е добро пиво, Вајнштефанер.“