1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Фараж даде оставка

ЕМФ/дпа/афп4 јули 2016

Шефот на британската деснопопулистичка партија УКИП, Најџел Фараж, се повлекува од функцијата, но ќе го задржи мандатот во Европскиот парламент.

https://p.dw.com/p/1JIe5
Фотографија: picture alliance/ZUMA Press/P. Maclaine

Застапникот на Брегзит, Најџел Фараж, денеска соопшти дека дава оставка на шефовската позиција во својата партија УКИП. „Пред референдумот реков дека си ја сакам земјата назад. Сега си го сакам својот живот назад“, изјави Фараж пред новинарите во Лондон. Тој оцени дека со одлуката на Британците за излегување од Европската униј тој ја постигнал својата политичка цел.

Фараж, покрај поранешниот градоначалник на Лондон, Борис Џонсон, беше најважниот борец на таборот кој се залагаше за излегување на Велика Британија од ЕУ. Тој денеска рече дека и натаму останува член на УКИП и ќе ѝ дава поддршка на нејзината борба.

Местото во Европскиот парламент Фараж сака да си го задржи сѐ додека не биде целосно завршен процесот на излегување на Велика Британија од Унијата. Тој е европратеник веќе 17 години. Најџел Фараж со години се бореше за Брегзит. Освен тоа, тој постојано предизвикуваше внимание во јавноста со своите популистички пароли.