1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо
Политика

Канцеларот Курц во теснец

СН/ агенции
27 мај 2019

Најнапред една мала партија побара гласање за доверба на владата. На тоа се приклучија и австриските социјалдемократи, а сега и Слободарската партија. Сите сакаат преку гласањето да го симнат од функцијата канцеларот.

https://p.dw.com/p/3JBNc
Österreich Wien PK Kanzler Sebastian Kurz
Фотографија: Getty Images/AFP/APA/R. Schlager

Австриската екстремно десничарска Слободарска партија (ФПО) ќе се придружи на гласовите на левицата и во парламентот денеска ќе гласа за недоверба на владата на кацеларот Себастијан Курц, изјави лидерот на ФПО Норберт Хофер.

„ФПО ќе гласа за недоверба на владата“, изјави Хофер по состанокот на партијата во Виена. Социјалдемократската партија соопшти синоќа дека ќе гласа против владата.

Österreich Wien Norbert Hofer FPÖ
Норберт ХоферФотографија: AFP/A. Halada

Повеќе:

-Себастијан Курц и трите мајмуни

-Љубовта на австриските десничари кон Кремљ

-Австрија - видео со драматични последици

Овие две партии така ќе остварат мнозинство во парламентот што ќе доведе до промена на владата, за првпат во австриската политичка историја.

Владејачката коалиција на Австрија се распадна пред една недела по објавувањето на компромитирачката видео снимка за ФПО. Се претпоставува дека во септември ќе се одржат предвремени парламентарни избори.