Еуфорија кај Трамп, шок и солзи кај Клинтон

Мрачно расположение во Њујорк на постизборниот собир на Хилари Клинтон, кандидатката на Демократската партија на претседателските избори во САД. Некои нејзини приврзеници плачеа следејќи ги на екраните податоците за изборниот резултат на ривалот Доналд Трамп, а некои дури и си заминуваа.

Во изборниот штаб на Трамп во еден хотел во Њујорк, неговите приврзеници со овации ја проследуваа секоја од прогнозите за негова победа во одделни сојузни држави.

Според најновите прогнози на Доналд Трамп му недостасуваат уште четири електорски гласови за влез во Белата Куќа.