Експлозијата во Њујорк - обид за терористички напад

Експлозијата во центарот на Менхетен, што се случи денеска, е обид за терористички напад, изјави њујоршкиот градоначалник Бил де Бласио. На автобуска станица била детонирана експлозивна направа. Рачно направената бомба била прицврстена на телото на напаѓачот, соопшти гувернерот на сојузната држава Њујорк, Ендрју Куомо.

Полицијата уапсила едно осомничено лице. Постојат противречни податоци во поглед на евентуални настрадани. Освен уапсениот, полицијата не можеше да потврди за други повредени лица. Некои медиуми јавуваат за неколку ранети луѓе. Дел од сообраќајните линии биле евакуирани. За инцидентот бил известен и американскиот претседател Доналд Трамп.