Штанјмајер: Германија го достигна својот лимит со мигранти

Германија се соочува со тешкотии кога се работи за прием на нови мигранти, оцени германскиот претседател Франк-Валтер Штајнмајер за италијанскиот весник „Кориере дела Сера“. Според него, Германија во првата половина од оваа година имала една третина од барањата за азил во ЕУ. Освен тоа, во Германија живеат и над еден милион бегалци од Украина. „Затоа Германија, како и Италија“ е на границата на оптовареност“, вели Штајнмајер за италијанскиот весник.

Германија во моментов не прима нови мигранти од Италија преку доброволниот механизам за солидарност, поради тоа што Италија се спротивставува да прими луѓе согласно т.н. Даблин-процес. Штајнмајер повика на заедничко вложување напори: „Сите мора да вложиме напор за товарот да биде поднослив и бројот на луѓето што доаѓаат повторно да се намали.“

Според германскиот претседател, она што е неопходно е праведна распределба на товарот со бегалците во Европа и поостра контрола и надзор на надворешните граници на Европската унија.