Израел го прогласи Гутереш за непожелна личност

Израел и му забрани влез во земјата на генералниот секретар на ОН, Антонио Гутереш. Израелскиот министер за надворешни работи Израел Кац го обвини Гутереш дека е пристрасен и го прогласи за „персона нон грата“.

„Секој кој недвосмислено не го осудува грозоморниот напад на Иран врз Израел, како што направија речиси сите земји во светот, не заслужува да стапне на израелска почва“, напиша Кац на платформата Х. Генерален секретар „кој ги поддржува терористите, силувачите и убијците од Хамас, Хезболах, Хутите и сега Иран“ ќе влезе во историјата на ОН „како срамна дамка“, смета Кац.

„Ова мора да престане“

По нападот, Гутереш општо ги предупреди конфликтните страни да покажат воздржаност: „Ова мора да престане. Апсолутно ни треба прекин на огнот“, напиша тој на платформата Х.

Гутереш постојано го критикува Израел откако е почната војната во Газа и ја обвини неговата армија за кршење на меѓународното хуманитарно право. Тој го осуди терористичкиот напад на Хамас на 7-ми октомври претходната година, но укажувајќи на израелската окупација на палестинските територии, рече дека тоа не се случило „во вакуум“.