Авиони, проектили и муниција: Ново оружје за Израел од САД

Американската администрација одобри продажба на дополнително оружје и муниција во вредност од над 20 милијарди долари на Израел, кој продолжува со нападите врз Појасот Газа.

Во соопштението на Стејт департментот се вели дека САД се посветени на безбедноста на Израел. Исто така, од клучно значење за националните интереси на САД е да му се помогне на Израел да одржи и развие силна способност за самоодбрана.

Петте одделни пакети одобрени за продажба од САД во Израел вклучуваат борбени авиони, ракети воздух-воздух, тенковска и артилериска муниција и тактички возила.

Најголем удел во вкупната продажба имаат 50 борбени авиони Ф-15ИА и 25 борбени авиони Ф-15И и придружна муниција, со вкупна вредност од 18,9 милијарди долари.

Од друга страна, во другите пакети се вклучени и 30 ракетни системи воздух-воздух со среден дострел и повеќе од 32.000 противтенковски гранати и друга сооддветна опрема. Покрај тоа, одобрена е продажба на повеќе од 50.000 артилериски гранати и сооедветна опрема како посебен пакет.

Пакетот, со вкупна продажна вредност од 20,3 милијарди долари, е одобрен во време кога процесот на преговори за прекин на огнот во војната во Појасот Газа е неизвесен, а тензиите во регионот растат. Не се очекува американскиот Конгрес да ја спречи продажбата на оружје.