Хај тек протези

Алекс Штамос од Дрезден во Саксонија произведува необични протези за жртви на несреќи.

„Ние, силиконските техничари, сме навистина нешто посебно, ние сме уметници. Ние се обидуваме креативно да ги изведеме работите. Мислам дека се луѓето среќни кога ќе добијат протеза со која веќе не паѓаат в очи, зашто по ампутацијата се стигматизирани, секој гледа во делот од телото што недостига. Тие се среќни што произведуваме протези кои изгледаат многу природно“.

Работилницата наликува на уметничко ателје. Пациентите од јануари овде можат да порачаат индивидуално изработена протеза. По желба, во сите бои и форми. Ова не важи само за привилегираните приватни пациенти, објаснува деловниот партнер на силиконскиот техничар, Кристоф Браун, ортопедски техничар.

„По правило, постои стандарден модел кој го плаќа здравственото осигурување. Но, ако една жена со ампутирана подлактица работи на рецепција и сака да изгледа што понеупадливо, тогаш здравственото осигурување се согласува да плати индивидуално приспособена силиконска навлака за протезата за подлактицата.“

Кристоф Браун и Алекс Штамос се меѓу ретките во Германија специјализирани за силиконски екстремитети. Нивните предности не се само во изработката. Петер Финк, настрадан во несреќа, ја цени и функционалноста на протезата.

„Протезата е индивидуално поприлагодена на осакатениот екстремитет, човек подобро се чувствува, местата што притискаат се минимизирани. Другите протези се многу робустни и делумно предизвикуваат болка.“

Благодарение на хај тек протезата Петер Финк може дури и по малку да спортува. Дизајнерот дури му го истетовира логото на омилениот спортски клуб на вештачката нога.