Отворање на патот за 30-та членка на НАТО
6 февруари 2019
По потпишувањето на протоколот приемот на новата членка под новото име Северна Македонија мора да биде ратифициран во парламентите на 29-те земји од НАТО. Доколку ратификацијата како во случајот на Црна Гора трае околу една година, Македонија официјално би станала членка на Северноатлантската воена алијанса во 2020 година. Дотогаш земјата ќе може како гостин, без право на глас, да учествува на средбите на НАТО и политички и воено ќе стане дел од системот и процедурите на Алијансата.
Македонија и нејзините воени сили- на #ФотографијаНаДенот е почесната гарда на АРМ- се „зрели“ за членство речиси 11 години.
Денешното потпишувањето на Пристапниот протокол во Брисел следува по ратификацијата на Преспанскиот договор во парламентите во Скопје и во Атина, со што се отстранува грчката блокада на приемот на Македонија које е во сила од самитот на НАТО во Букурешт во 2008 година.