Ратко Младиќ ќе се жали на пресудата

По повеќе од две децении од крајот на босанската војна, Хашкиот трибунал за воени злосторства во поранешна Југославија денеска му изрече казна доживотен затвор на босанско српскиот екс-генерал Ратко Младиќ поради геноцид, воени и злосторства против човештвото. Судиите го прогласија Ратко Младиќ виновен за геноцидот во Сребреница во 1995. година и за други злосторства за време на босанската војна (1992-1995), во која беа убиени околу 100.000 луѓе, а преку два милиона луѓе принудени на бегство.

„Оваа пресуда е неправедна и спротивна на фактите“, изјави синот на Ратко Младиќ, Дарко Младиќ денеска во Ден Хаг. Тој најави дека неговиот татко ќе вложи жалба „за да ја докаже погрешноста на пресудата.“ „Денеска правдата беше заменета со воена пропаганда“, оцени тој.