Г20 во тешки времиња

Шангај - градот некогаш беше симбол на сила и пораст. Веќе извесно време меѓутоа лакот паѓа. Економскиот пораст во Кина изнесув а6,9 проценти и е најлош во последните 25 години.

Тоа ја кочи светската економија. Како Кина повторно да се доведе на вистински курс е една од централните теми на самитот на Г20 во Шангај.

Оттука, соодветно јасен беше и апелот на шефицата на Меѓународниот монетарен фонд, Кристин Лагард, на почетокот на средбата:

„Порастот на најголемите народни економии останува скромен, а слабости покажуваат и голем број земји во забрзан подем. Пред сѐ Кина има потреба од поодмерена стратегија за пораст.“

Овде можете да го погледнете видеото:

За тоа како би изгледала таа стратегија има различни идеи. Сѐ повеќе финансиски инјекции не се трајно решение за повторен поттик на стопанскиот мотор, предупредува германскиот министер за финансии Волфганг Шојбле:

„Кина е свесна дека клучни се структурните реформи. Притоа, Германија ќе ѝ даде поддршка на Кина - одржлив пораст, социјален и еколошки, врз основа на стабилен финансиски пазар.“

Сигурно е: не само Кина, туку и други земји во забрзан подем се под огромен притисок. Досега, меѓутоа, никој нема пронајдено рецепт за запирање на надолниот тренд.