1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Taron G7 kan kasuwanci ya gaza samun matsaya

Gazali Abdou Tasawa
June 3, 2018

Taron Kungiyar G7 wanda kasashen Turai da Amirka suka shirya a Kanada da nufin shawo kan rikicin kasuwancin da ya hada kasashen ya kawo karshe ba tare da samun wata matsaya ba. 

https://p.dw.com/p/2yrTH
Kanada Whistler Treffen der G7 Finanzminister
Hoto: picture-alliance/The Canadian Press/J. Hayward

Taron dai ya watse ne baram-baram ba tare da mahalarta sun iya fitar da wata sanarwar hadin gwiwa ta karshen zaman taro ba, inda duk bangarorin kowa ya gudanar da nashi taron manema labarai domin bayyana matsayinsa. 

Daga daya bangaren dai ministocin kudi da shugabannin manyan bankuna na kasashen na Turai dai sun bayyana rashin amincewa da tsarin kasuwancin kasar ta Amirka inda suka yi kira ga Shugaba Donald Trump da ya yi watsi da matakinsa na dora haraji kan bakin karfe da kuma karfen sanholo 

Sai dai bangarorin biyu sun yi alkawarin sake haduwa a mako mai zuwa a birnin Quebec na Kanada domin sake tattauna wannan rikici na kasuwanci da ke kara kamari tsakanin kasashen na Turai da abokiyar huldar kasuwancinsu ta Amirka.