1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Taro game da matsalar kyamar baki a Jamus

November 18, 2011

Ministocin cikin gida da na shari'a na jihohin Jamus tare da gwamnatin tarayya sun fara zaman taro game da matsalar masu akidar Nazi

https://p.dw.com/p/13CnW
Hoto: picture-alliance/ dpa/dpaweb

Ministocin shari'a da na cikin gida, na jihohin Jamus gaba daya, tare da gwamnatin Tarayya sun fara wani zaman taro na musamman a birnin Berlin, domin tattana matsalar kyamar baki da wasu jamusawa masu akidar Hitler ke nunawa baki 'yan kaka gida dake Jamus.

A baya bayan nan, wannan matsala ta mamaye fagen siyasar Jamus bayan da aka gano wani gungun tsirarun mutane masu tsatsauran akidar Nazi da suka hallaka baki Tara daga shekara 2000 zuwa 2007.

Albarkacin wannan taro, ministocin za su tattana hanyoyin karfara doka da kuma matakan tsaro.A wani bayani da ta gabatar, shugabar gwamnatin Jamus Angela Merkel ,ta dangata kyamar baki a matsayin abun kunya ga kasar Jamus.

Mawallafi: Yahouza Sadissou Madobi

Edita: Usman Shehu Usman