Shugaban China na ziyara a Birtaniya

Shugaban kasar China Xi Jinping ya fara wata ziyarar aiki ta kwanaki hudu mai cike da tarihi a Birtaniya inda ya samu wata gagarumar tarba ta alfarma irin ta sarauta. Xi Jinping zai gana da Sarauniya Elizabeth ta biyu a fadar Buckingham inda aka tsara masa wata walimar ban girma. Sannan zai ziyarci Downing Street inda zai gana da Firayiminista David Cameron, kafin ya yi jawabi a gaban taron 'yan majalisar dokokin Birtaniya. Zai dauki lokaci kan tattaunawa a abubuwa da suka shafi kasuwanci.

A cewar ofishin Cameron a wannan ziyara za a kulla harkoki na kasuwanci da zuba jari da zai lashe sama da Fam miliyan dubu 30 abin da zai yi sanadi na samun ayyuka sama da 3,900.