1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaGabas ta Tsakiya

Ana zargin mayakan Houthi da kai hari Saudiyya

Ramatu Garba Baba
February 10, 2021

Wani jirgin fasinja ya kama da wuta a sakamakon wani hari da ake zargin mayakan Houthi na Yemen da kai wa kan wani filin jirgin Saudiyya a wannan Laraba.

https://p.dw.com/p/3pAdY
Saudi Arabien Huthi-Rebellen greifen Flughafen Abha an
Hoto: Getty Images/AFP

Mahukuntan Saudiyya sun zargi mayakan na Houthi na kasar Yemen da hannu a harin da ya haddasa gobarar, sai dai kawo yanzu babu tabbacin hakan, babu kuma cikakken bayani kan irin asarar da aka samu na rayuka ko dukiya daga mahukuntan na Saudiyya.

Filin jirgin saman na Abha da ke kusa da kan iyakan kasar da Yemen, ya sha fuskantar hare-hare daga mayakan na Houthi, amma harin na yau, shi ne wanda aka kai da ya shafi farar hula. Tuni aka karfafa matakan tsaro tare da soke duk wani shirin tashi da saukan jirage a filin jirgin saman.

Rikicin Yemen ya kara kamari ne, bayan da Saudiyya ta jagoranci kawancen kasashen Larabawa wajen kai wa mayakan Houthi hare-hare ta sama domin ba wa gwamnatin kasar goyon baya.