1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha za ta mayarwa Amirka martani

Abdoulaye Mamane Amadou
August 23, 2019

Shugaba Vladimir Poutine na kasar Rasha ya yiwa Amirka alwashin ramawa kura anniyarta daidai gwargwado, dangance da batun gwajin wani makamin roka mai cin matsakaicin zango da Amirkar ta yi.

https://p.dw.com/p/3ONuM
Russland Wladimir Putin
Hoto: picture-alliance/AP Photo/A. Zemlianichenko

Shugaban ya ce ya umarci ministan tsaron kasar da ya nazarci irin barazanar da harba rokar ta Amirka kan iya yi, kafin daukar duk wasu matakai a yayin da yake jagorantar wani taron koli na harkokin tsaron kasar.

Tun daga farko dai kasashen China da Rasha sun soki lamirim matakin na kasar Amirka da ke zaman irinsa na farko tun bayan kawo karshen yakin cacar baka, tare da bayyana shi a matsayin wata barazanar da ke iya maida hannun agogo baya, kana kuma hakan na iya harzuka kasashe shiga riganganton kerwa manyan makamai.