Nigeria: Yan shi'a sun yi bikin ranar Kudus

Rahotonni da DW tattara sun bayyana cewa, mutane da dama aka jikkata yayin da jerin gwanon Shi'a a Kaduna, inda 'yan sanda suka yi amfani da hayki mai sa kwalla kan 'yan Shi'ar. Wakilin DW Ibrahima Yakubu, ya shaida mana cewa da farko zauna gari banza na gungun matasan cikin gari, su ne suka fara yin fito na fito da 'yan Shia'a, inda su kuwa jami'an tsaro suka shiga rikicin, suka fara tarwatsa 'yan Shi'ar. 

Sai dai sabanin aikin tsaro da ya kai yan sanda, sun buge da tarwatsa zanga-zanaga, kana suka yi ta kama mutane ciki har da kananan yara da 'yan jarida. Wakilin DW da ke cikin yan jarida wadanda aka kama duk da cewa ya nunawa yan sandan katin shaidarsa na aiki, suka yi awon gaba da shi suka lalata masa kayan aiki, suka kuma lakada masa duka. Yanzu dai an sako wakilin na DW bayan da kungiyar yan jaridu reshen Jihar Kadunan NUJ ta sa baki,