Majalissar Amirka na shirin sauraren Hillary Clinton

A kasar Amirka Hillary Clinton ce ke shirin bayyana a gaban wani komitin bincike na Majalissar Dokokin kasar domin bayar da bahasi a kan harin ta'addancin da wasu suka kaiwa ofishin jakadancin kasar ta Amirka a birnin Benghazi da ya yi sanadiyyar mutuwar jakadan kasar ta Amirka a kasar ta Libiya dama wasu makarrabansa ukku a ranar 11 ga watan Satimba na 2012.

Wani kakakin Hillary Clinton wacce ke shirin tsayawa takara a zaben shugaban kasa mai zuwa a kasar ta Amirka ne ya tabbatar da wannan labari a Assabar din nan inda ya ce za ta bayyana a gaban komitin majalissar ne ranar 22 ga watan Octoba mai zuwa.