Isra'ila ta saki kuɗaɗen harajin Falasɗinu

A cikin wata sanarwa da ofishin fira ministan ta sanar, ta ce an yanke shawarar ne a ƙarshen wani taron majalisar ministocin. A cikin watan Disamba na shekarar bara ne, Isra'ila ta dakatar da shirin, bayan da Majalisar Ɗinkin Duniya ta amince da Falasɗinu a matsayin yar kallo a majalisar.

Sannan ta ummarci ministan kuɗi na ƙasar da ya zuba kuɗaɗen ga hukumar Falasɗinawan. Hakan kuwa na zuwa ne a daidai lokacin da shugaban Amurika Barack Obama ya kammala wata ziyara a yankin gabas ta tsakiya. Masu yin sharhi a kan al'amura na ganin wannan mataki zai taimaka a samu ƙarin fahimtar juna tsakanin ƙasashen biyu.

Mawallafi : Abdourahamene Hassane
Edita : Saleh Umar Saleh