Dubban kananan yara a Afirka na fama da tamowa

Majalisar ta Duniya ta ce tashe-tashen hankula da fari da annobar corona gami da tsadar rayuwa sun bar kananan yara a kasashen Afirka sama da 15 a cikin hali na tsaka mai wuya.

Daga cikin kasashen da ake bukatar tallafi akwai Afganistan da Burkina Faso da Mali da Nijar da Najeriya Somaliya da Sudan ta Kudu da Yamen da sauransu.

Ana ganin idan har ba a magance wannan matsalar ba akwai yiwuwar ta'azzarar ta a wannan shekarar ta 2023. Taimakon zai maida hankali a kan kananan yara dake kasa da  shekaru 5 da mata masu juna biyu da matan da ke shayarwa.