1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

Bundesliga: Murna ta koma ciki

Ramatu Garba Baba
August 10, 2020

Za a ci gaba da mutunta dokar hana taron jama'a a Jamus har zuwa karshen watan Oktoba a wani mataki na hana yaduwar cutar Coronavirus da alamu ke nuni da cewa ba a shawo kan annobar ba.

https://p.dw.com/p/3glES
Fussball, Bundesliga | Borussia Mönchengladbach - 1. FC Köln
Hoto: imago images/U. Kraft

Ministocin lafiya sun amince da a ci gaba da mutunta dokar hana taron jama'a har zuwa karshen watan Oktoban 2020, wannan na nufin ba za a bai wa 'yan kallon wasannin Bundesliga damar shiga filin wasanni kamar yadda aka amince a baya ba a yayin soma kakar wasan bana na daga ranar takwas ga watan Satumban bana.

Ministocin sun yanke shawarar ce a wannan Litinin, ganin yadda alkaluman masu kamuwa da cutar ke karuwa. Jami'an kiwon lafiya a na su bangaren, sun sha shawarta gwamnati kan yin takatsantsan a janye dokokin hana yaduwar cutar, sun nemi a ci gaba da daukar matakai na hana yaduwar cutar, da suka hada da sanya takunkumin rufe fuska da saka tazara a tsakanin jama'a.