1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Barack Obama ya jinjinawa shugabar gwamnatin Jamus

May 23, 2010

Shugaban Amirka ya tattauna ta waya talho da shugabar gwamnatin Jamus Angela Merkel

https://p.dw.com/p/NVAa
Shugaba Barack Obama na Amirka da shugabar Gwamntin Jamus A ngela MerkelHoto: AP

  Shugaba Barack Obama ya jinjinawa shugabar gwamnatin Jamus Angela Merkel, bayan da majalisun dokoki ƙasarta guda biyu  suka sa hannu  akan dokar samar da euro biliyan 750, domin ceto tattalin arzikin nahiyar turai,wanda a cikki Jamus za ta bayar da tallafin euro biliyan 148, yayin da sauran cikon tallafin zai futone daga assusun bada lamuni na AMF dakuma kwamitin ƙungiyar tarayya turai.

Shugabanin biyu dai sun tattauna  ne ta waya talho tsawon mintoci 20 a jiya asabar ,akan maganar daidaita al'amuran kuɗi dakuma farfaɗo da tattalin arziki  nahiyar ,gabannnin taron ƙasashe masu ci-gaban massana'antu  G_20 da za a yi na gaba a cikin watan yuni a birnin toronto na ƙasar Kanada.

Mawallafi: Abdourahamane Hassane

Edita       :  Zainab Mohammed Abubakar