Ana cin zarafin mata a yankin tafkin Chadi

Kungiyar ta fitar da rahoton ne a lokacin da kungiyoyin agaji suka fara taron kwanaki biyu a birnin Berlin na kasar Jamus kan halin tsaro da sauran batutuwa da tafkin Chadi ke ciki. Kungiyar Plan International ta ce yawancin yaran mata a kasashen Najeriya da Nijar da Kamaru da Chadi matsalar auren wuri ya hanasu ci gaba da karatu.

Majalisar Dinkin Duniya ta ce akalla mutane miliyan 10 ne ke bukatar agaji a kasashen da ke yankin tafkin Chadi musamman a Arewa maso gabashin Najeriya, sakamakon matsalar rashin tsaro na Boko Haram.