1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

An gano sansanin hada nukiliyar sirri a Koriya ta Arewa

Yusuf Bala Nayaya
November 12, 2018

Koriya ta Arewa na gudanar da ayyukanta a akalla sansanoni 13 da ke boye, wadanda ke da karfin hada makaman nukiliya kamar yadda wani bincike ya nunar, abin da ya haifar da shakku kan tsare-tsaren Trump a kasashen waje.

https://p.dw.com/p/387vo
Nordkorea provoziert mit weiterem Raketentest
Hoto: Getty Images/AFP/Str.

A watan Yuni ne dai Shugaba Trump ya yaba da ganawarsa da Shugaba Kim Jong Un matakin da ya bude kofar watsi da shirin hada makaman na nukiliya bayan da Koriya ta Arewa da Koriya ta Kudu suka hayayyako wa juna tamkar an fada yanayi na yaki.

Tun dai ganawar da aka yi a Singapore, Koriya ta Arewa ta tsayar da gwajin makamin nukiliya da makami mai linzami, dama rushe wurin da take gwajin na makamin nukiliyar da yin alkawari na rusa babbar tashar hada nukiliyar. Sai dai masu bincike daga cibiyar tsare-tsare da nazarin harkokin kasa da kasa a birnin Washington na Amirka sun bayyana cewa sun gano sansanoni 13 wadanda gwamnatin Koriya ta Arewa ba ta bayyana su ba, koma za su iya kaiwa 20.