1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Aecio Neves ya samu goyon bayan Marina Silva

: Salissou BoukariOctober 12, 2014

'Yar takarar da tazo ta uku a zagaye na farko na zaben shugaban kasar Brazil ta amince ta hada karfi da Aecio Neves domin kalubanantar Dilma Rousseff a zagaye na biyu.

https://p.dw.com/p/1DTwr
Brasilien Marina Silva sichert Aecio Neves Unterstützung zu
Hoto: Miguel Schincariol/AFP/Getty Images

Marina Silva ta ce ganin irin-irin burin da Neves ya sa a gaba, to dole ne ta kada masa kuri'ar ta, kuma tana mai goyon bayan takararsa. Ta yi wadannan kalammai ne yayin wani zaman taro da suka gudanar a birnin Sao Paulo. Sakamakon zagayen farko na zaben dai, ya baiwa Shugaba Dilma Rousseff kashi 41.6 cikin 100, yayin da Aecio Neves yazo na biyu da kashi 33.6 cikin dari, inda Marina Silva da tazo ta uku ta samu kashi 21 cikin 100 wanda ake ganin idan magoya bayanta suka yi biyayya ga wannan umarni, to wanda ta dafawa ne zai ci zaben.