باران‌های شدید در تاجیکستان جان ۱۳ تن را گرفت
۱۴۰۲ شهریور ۶, دوشنبه
سخنگوی وزارت مبارزه با حوادث طبیعی تاجیکستان به خبرگزاری فرانسه گفته است که این تلفات در مناطقی در جنوب و شرق دوشنبه پایتخت این کشور رخ داده است.
اداره ریاست جمهوری تاجیکستان اعلام کرده که در اثر لغزش زمین ناشی از باران‌های شدید روز یک شنبه ۱۱ تن در منطقه وحدت و ۲ تن دیگر در ساحه رودکی جان خود را از دست دادند.
مرتبط:۱۰ نفر بر اثر برفکوچ در تاجیکستان جان باختند
وزارت مبارزه با حوادث تاجیکستان همچنان گفته که در نتیجه باران‌های شدید که منجر به "لغزش زمین و ریزش صخره" شد، به ۱۲ منطقه آسیب رسیده است.
این وزارت گفته است که احتمال موارد بیشتر لغزش زمین در مناطق آسیب‌دیده وجود دارد.
به اینستاگرام دویچه وله دری بپیوندید
تاجیکستان که فقیرترین جمهوری سابق اتحاد جماهیر شوروی پیشین می‌باشد، در برابر فاجعه‌های طبیعی آسیب‌پذیر است. چناچه در ماه فبروری ده‌ها مورد برفکوچ، رانش زمین و ریزش سنگ در مناطق مرزی تاجیکستان با کشورهای افغانستان، چین و قرقیزستان صورت گرفت.
sts/af (AFP)