የፈረሰችው ፒያሳ (የምስል ዘገባ)

በዚህ ስፍራ ውስጥ ታሪካዊ ኬክ ቤቶች ፣ ወርቅ ቤቶች፣ ልብስ መሸጫ ቤቶች ፣ ቡና ቤቶች ይገኙበት ነበር

የአሁኑ የሀገር ፍቅር ትያትር ስያሜው ሀገር ፍቅር ማሕበር በሚል ነበር በ 1927 ዓ.ም የተመሰረተው። ማሕበሩ የተመሠረተበት ዋናው ዓላማም ፋሺስት ጣልያን ኢትዮጵያን ለመውረር መዘጋጀቱን ተከትሎ የኢትዮጵያን ሕዝብ ለማንቃትና በአንድነት እንዲቆም ለማድረግ የተቋቋመ ነው። የሀገሪቱ አንቱ የተባሉ የኪነ ጥበብ ሰዎችም ታላላቅ ሥራዎችን የሠሩበት ነው።

የራስ መኮንን ድልድይ ለመጀመርያ ጊዜ በ 1903 በዐፄ ምኒልክ ዘመነ መንግሥት በኖራ ግንብ የተሠራ ነው። ድልድዩን አለፍ ብሎ በታችኛው መስመር የሚገኘው ይህ ግዙፍ ሕንፃ ልዩ ልዩ ሱቆች የሚገኙበት ነበር ።

የአራዳ እምብርት ከሆኑት ሥፍራዎች አንዱ የአራት ኮሎው የአርበኞ አደባባይ ሲሆን ዙሪያውን በትምህርት ሚኒስቴር፣ በጆሊ ባር የተከበበ ሲሆን ይህ ሕንፃ በአንደኛው አቅጣጫ የሚገኝ ነበር)

የሀገር ፍቅር ትያትር ከፋሽስት ጣልያን ወረራ በኋላ በ1933 የኢትዮጵያ ሕዝብ የሀገር ፍቅር ማሕበር ተብሎ በተንጣለለው ግቢ ቢዘልቅም ቅጥር ግቢው ሕጋዊ ካርታ ያገኘው ነሐሴ 9 ቀን፣ 2010 ዓ.ም ነበር። በቅርቡም እድሳት ተደርጎለታል። ሕዝብን በኪነ ጥበብ ለማነሳሳት የተቋቃመው ይህ የአሁኑ ትያትር ቤት የጥበብ ቤት ሆኖ የሀገሪቱን እንቁ የኪነጥበብ ባለሙያዎች አፍርቷል።

መኮንን ባቅላቫ ቤት በአዲስ አበባ ከተማ ለብዙ ባለትዳሮችና ፍቅረኞሞች የታሪካቸው አካል ነበር። ፒያሳ ላይ ለ63 ዓመታት የሠራው ይህ ቤት ከ1953 ዓም ጀምሮ እስከ 2016 ዓ .ም ብዙዎችን አገልግሏል። ዛሬ ታሪክ ሆኗል።

ጣይቱ ሆቴል በኢትዮጵያ የመጀመርያው ዘመናዊ ሆቴል ነው። አሁን በእድሳት ላይ ይገኛል። ከዚህ ሆቴል አጠገብ ብዙ ሆቴሎች፣ ምግብ ቤቴች እና ቡና ቤቶች ይገኛሉ። ከእነዚህ መካከል ይህ አንዱ ነበር።

ድምፃዊ የግጥምና ዜማ ደራሲ እንዲሁም የሙዚቃ አቀናባሪ ነው፤ አንጋፋዉ አርቲስት አያሌዉ መስፍን። ወሎ የሙዚቃ ባለ ሙያዎችን የሙዚቃ ምሁራንን፤ ያፈራች መሆንዋን አብዛኞች ይመሰክሩላታል። «አያሌዉ መስፍን ሙዚቃ ቤት ጋር እንገናኝ» የብዙ ሰዎች የቀጠሮ ቃል ነበር።