የሰሜን ኮሪያ የኑክሌር ፍተሻ የአለም ሐያላን ትኩረትና የአለም ሰላም

ሁለቱ የአሜሪካ ወጣት መኮንኖች የታዘዙትን ከማስፈፀም ባለፍ የኮሪያ ልሳነ ምድር ሕዝብ ፍላጎትን ለመጠበቅ፤ ታሪኩን ለማወቅ፣ የእርምጃቸዉን መዘዝ ለማጤን ብስለት-ብልሐቱ፣ሥልጣን-ሐላፊነቱም አልነበራቸዉም።የጃፓን ጠላቶቹን እየወቀጠ ወደ ደቡብ የሚተመዉ የሶቬት ሕብረት ጦር ኮሪያ-ወገብ ላይ ሲደርስ ግስጋሴዉን የገታበት ምክንያት ደግሞ ለመኮንኖቹ አይደለም ለአለቆቻቸዉም ሚስጥር ነበር።ዴን ረስክና ቻርልስ ቦኔስትል ካርታቸዉን ዘረጉ።እሁለት አሰመሩበት።ነሐሴ 10 1945 ዘመኑ በሙሉ እንደ አዉሮጳዉያኑ አቆጣጠር ነዉ።ጤና ይስጥልኝ እንደምን ዋላችሁ።ትዕዛዝ ተፈፀመ።ፀደቀም።መዘዙ-በሚሊዮች ሕይወት፣ በአመታት ሂደት ያለመዘዙ ዚቅ፤ ዛሬ ኑክሌር የማማዘዙ ጭንቅ ነዉ-ያፍታ ቅኝታችን ሰበብ።

dw,wikipedia

Negash Mohammed